KORONADAL CITY – Mangin isa suno pa ka dako nga oportunidad sang mga mangunguma ang pag legalise sang Marijuana sa Medical use sa tion nga mangin layi na ini sa Pilipinas.
Ini ang nangin pahayag ni Ms. Lexi Acosta- Vice President sang MedCann Mindanao sa interview sang Bombo Radyo Koronadal.
Suno sa iya, mangin isa ka dako nga bulig sa mga mangunguma ang tanom nga marijuana bangud potensyal ang probinsiya sang South Cotabato sa pagpatubo sang nasambit nga mga tanum sa diin mahimo nga mangin extra income man sa mga mangin growers ukon cultivator sang nasambit nga mga tanom.
Ginpahayag man sini nga sa kasamtangan ginakabig nga illegal nga druga ang Marijuana sa Pilipinas kag mahimo dakpon kag mapreso ang madakpan nga naga hupot kag naga usar sini kabangdanan nga nagakaangay man nga amyendaran sang gobyerno ang layi nga nabutang sang RA 9165 ukon ang Comprehensive Dangerous Drugs Act of 2002 agud nga mangin legal ang pag usar sang mga ini sa mga pasyente nga naga kinahanglan sini agud nga mag ayo sa ila nga mga balatian
