Nagpaguwa sang paandam ang Tsina sa Pilipinas nga magabalos ini batok sa ginaalegar nga paglapas kag probokasyon sa kadagatan nga sakop sang West philippine Sea.
Suno kay Chinese Foreign Ministry spokesperson Lin Jian, indi mapa-escalate liwat ang maritime situation sa nasambit nga kadagatan kon indi nila ginlapas kag ginaprovoke ang PH.
Ginhimo sang opisyal sang Tsina ang pahayag matapos nga akusahan ni Department of National Defense Sec. Gilberto Teodoro ang Tsina sang pagpataas sang pressure ukon demand sa PH para isuko ang sovereign rights sini sa gina-istoryahan nga mga tubig.
Ginpahayag man sang kalihim nga biktima ang Pilipinas halin sa sa agresyon sang Tsina.
Una na man nga gintutol sang National Security Council (NSC) ang pagtatalaga sang Tsina sang baselines kag gin-akusahan ang Tsina sang paglapas sa soberaniya sang pungsod.
