KORONADAL CITY – Madamo sang mga offshore betting sa US ang nagpaguwa sang ila nga mga prediksyon sa kun sin-o ang maga daog sa tunga nanday Vice President Kamala Harris kag dating US president Donald Trump.
Sa mga nabilin nga mga inadlaw sang 2024 presidential election naguwa nga nagsaka man sang probability of winning ni Trump sang naglabay nga semana.
Ginbase man sang pila ka mga odds comapany ang 538 electoral votes.
Nakasaad sa pila ka mga betting odds nga may ara sang 64.1 percent nga chance of winning para sa pagkapangulo si Trump.
Base naman sa maragtas sang betting odds napaslawan ang betting markets nga mahulaan ang kadalag-an ni Trump sang tuig 2016 sa subong, tuman ang duha ka kampo sang ila nga pagpangampanya sa diin may ara sang iban pa nga kalakip para makapang-engganyo sang iban pa nga mga botante.
Madumduman nga nangin mainit ang labing una nga combative presidential debate sa tunga ni Democratic candidate Kamala Harris kag Republican candidate Donald Trump sa Philadelphia.
Ini ang nangin kabahin sang kompermasyon ni Bombo Rufino “Pinoy” Gonzales- BINC to US sa initerview sang Bombo Radyo Koronadal.
Gindominar ni Vice President Harris ang debate halin sa pagsugod palang sini paagi sa pagkwestiyun sang ikasarang ni Trump sa pagserbisyo, pagsuporta sini sa aborsyon, kag iban pa nga mga isyu.
Sandig sa Online prediction market nga PredictIt’s 2024 presidential general election market ,makita nga nagnubo ang tyansa ni Trump nga magdaog bangud sa debate sa 47% halin sa 52%, samtang nagtaas naman ang kay Harris halin sa 53% pakadto sa 55%.
Bangud sang resulta sang debate, ginhangkat pa ni Harris si Trump sang second round sa Oktubre.
Para naman sa anay Presidente, gusto lang ni Harris sang isa pa ka debate bangud nga nabal-an sini nga napierde sia sa ila pagsabtanay.
