Wala na nagalaum si Lanao del Sur 1st District Representative Zia Alonto Adiong nga personal nga magatambong si Vice President Sara Duterte sa impeachment trial sa Senado agud sabton ang mga alegasyon tuhoy sa iya indi maathag nga manggad.
Suno kay Adiong, tagapamaba sang House prosecution panel, wala gihapon nagapakita sang interes ang bise presidente nga mag-atubang sa impeachment court kag magsabat sa mga pamangkot tuhoy sa iya pinansyal nga pagkabutang.
Una na nga ginpresentar sang prosekusyon si forensic analyst Alexander Cabrera, nga nag-ila sang ginapatihan nga ₱817.87 milyones nga wala nade klarar nga mga pagkabutang kag manggad nga may kaangtanan kay Duterte kag sa iya bana nga si Manases “Mans” Carpio halin 2022 tubtob 2025.
Ang iya pagsusuri nakabase sa bank records, tax returns, deklarasyon sang mga pagkabutang kag mga dokumento sang korporasyon.
Ginpanginwala ni Duterte ang mga alegasyon, samtang ginkuwestyon sang iya mga abogado ang pinansyal nga ebidensya sang prosekusyon.
Magapadayon ang paglilitis sa Nobyembre 9, kun sa diin sugdan sang depensa ang pagpresentar sang ila kontra-ebidensya sa nabilin nga Article II sang impeachment complaint.
