KORONADAL CITY – Indi lang sementeryo ang pagabantayan sang kapulisan pati man ang mga matawo nga lugar sa karon nga Undas, kalip na ang simbahan kag terminal nga isa sa mga lugar nga magin matawo sa palaabuton nga undas.
Nagapanagtag na sang safety tips paagi sa social media kag mga leaflets ang mga police personnel agud magpahinumdom sang mga safety tips kag mga does and donts sa adlaw sang undas.
Lakip sa ginpanagtag ang mga hotline number agod ma aksyonan ang mga concern sang katawhan ini ang nagin pahayag ni Police LTCOL. Hoover Tapang Antonio Chief of Police sang Koronadal PNP sa interview sang Bombo Radyo Koronadal.
Suno sa chief of police indi lang ang sementeryo ang ila pagabantayon, pati man ang mga lugar nga magin busy ukon matawo sa adlaw sang undas lakip na ang simbahan nga ila pagatindugan sang assistance desk kag dugang man nga seguridad.
Dugang niya pa ginadumilian ang pagdala sang mga sound system agod makangilayngilay ang mga ini saila pamilya nga nagtaliwan, gina dumilian man ang pagdala sang makahulubog nga ilimnon, Firearms, kag bladed weapons.
Panawagan ni Hoover nga magbuligay ang tanan sa paghatag sang seguridad sa syudad sang Koronadal ilabi na sa adlaw sang undas kung sa diin madamo ang tawo ang maga lakat, maki-kooperar ang tanan kag maging bigilante sa palibot.
