KORONADAL CITY – Yara na sa kustodiya sang mga otoridad ang isa ka laborer nga ginakabig Street Level Individual matapos maaresto kag makuhanan sang ginapatihan nga shabu sa Purok Dimaclid, Barangay Cannery Site, Polomolok, South Cotabato.
Ginkilala ni Police Lieutenant Colonel Peter Pinalgan Jr., Officer-In-Charge sang Polomolok Municipal Police Station ang nadakpan nga indibidwal nga si alyas “Joshua”, 24-anyos, soltero kag residente sang Sampaguita St., Barangay Poblacion, Polomolok, South Cotabato.
Suno kay PLtCol Pinalgan Jr., naaresto ang suspek sang magpatigayon sang buy-bust operation ang mga otoridad kag nakumpiskar ang isa ka plastic sachet sang ginapatihan nga shabu nga may kabug-aton nga 0.1 gramo kag may standard drug price nga Php 6,860 kag Pho1,000 bill bilang buy-bust money.
Kaso nga paglapas sa sekyon 5 kag 11 sang Art.II RA 9165 ukon Comprehensive Dangerous Drugs Act of 2002 ang igapasaka batuk sa suspek.
