Ginapreparar na ni Caloocan City 2nd district Representative Edgar Erice ang kaso nga impeachment batuk kay Commission on Elections (Comelec) Chairman George Garcia bangud sa pagtunto sini sa publiko kag mga botante.
Suno kay Erice, padayon ang pagbinutig ni Garcia angut sa isyu may kaangtanan sa Miru System matapos sini ginbawi ang kontrata sang St. Timothy Construction Corporation (STCC) sa joint venture bangud sa conflict of interest sa koneksyon sini sa St. Gerrard Construction General Contractor and Development Corporation (SGCGCDC).
Nagatuhaw nga makasumpong ni Pasig City Mayor Vico Sotto si Sarah Discaya, tiayon ni Curlee Discaya nga nagapanag-iya sang SGCGCDC.
Natingala si Erice kun ngaa wala sa General Information Sheet ang pangalan ni Discaya kun ini ang nagapanag-iya sang STCC kag sa baylo isa ka Migz Juntura ang nakapangalan nga presidente.
Indi man nagakadapat nga naga abogar ini sa MIRU ilabi pa nga wala pa magamit sa piniliay sa Pilipinas ang bag-o nga sistema.
Apisar ginmando sang Comelec Law Department nga rebisahon ang withdrawak sang STCC, wala na makahulat si Garcia sa desisyon sang law department kag ini na ang nagdisisyon nga kakson ang STCC sa joint venture nga isa ka paglapas suno sa opisyal.
Bangud sini nagpabutyag sang pagkahangawa si Erice nga posibli mangin magamo ang nagahilapit nga Mayo 2025 nga piniliay.
