Maathag para kay House Committee on Appropriations Chairman kag Ako Bicol Partylist Representative Zaldy Co nga epektibo ang mga tikang sang administrasyon ni Presidente Ferdinand Marcos Jr. agud mapanubo ang presyo sang mga balaklon.
Suno kay Co nga pamatuod sini ang inflation rate sang Setyembre nga naghampak sa 1.9% nga pinakamanubo sa sulod sang apat ka tuig base sa Philippine Statistics Authority (PSA).
Ginpahayag ni Co nga nagpapag-on sa suplay kag presyo sang mga balaklon ang maayo nga whole-of-government approach sang Marcos Administration kaupod ang pagbuhin sa taripa sang imported nga bugas.
Ginhinambit man ni Co ang pag-prioridad ni PBBM nga malab-ot ang seguridad sa pagkaon, masuportahan ang mga mangunguma kag mapasanyog ang produksyon sa sektor sang agrikultura.
