KORONADAL CITY – Arestado ang isa ka mangunguma sa gin-implementar nga search warrant operation sa kaso nga paglapas sa Republic Act 10591 ukon “Comprehensive Firearms and Ammunition Regulation Act” sa Purok Liberty, Barangay Esperanza, Norala, South Cotabato.
Ginkilala sang mga otoridad ang suspek nga si alyas “Ren”, 57-anyos, may asawa, isa ka mangunguma nga residente sang nasambit nga lugar.
Naaresto ang suspek alas-8:30 sang aga sang Setyembre 26,2024 sang mga tinawo sang CIDG 12, SOCOTPFU, kag Norala Municipal Police Station bangud sa pagserbe man sang warrant of arrest sa kaso nga paglapas sa RA 10591.
Nakuha sa suspek ang isa ka unit (1) sang homemade (12) gauge shot gun nga wala sang serial number, isa ka (1) unit sang caliber .45 pistol, Colt Government model nga may serial number: 388099, tatlo ka (3) live ammunition para sa (12) gauge shot gun kag isa (1) ka magazine nga naka-assemble para sa caliber .45 pistol.
Kaso nga paglapas sa Section 28 sang Republic Act 10591 kag Section 1 sang RA 9516 ukon penalty of reclusion perpetua angot sa PD 1866 ang ginapreparar batuk sa suspek.
