KORONADAL CITY – Nagapadayon ang monitoring sang LGU Lake Sebu sa mga barangay nga nangin apektado sang panibag-o nga “kamahong ukon fish kill” kun diin madamo nga fish cage operators ang nagpatigayon sang emergency harvest.
Ini ang ginkumpirmar ni Rudy Muyco, Lake Warden sang Lake Sebu sa interview sang Bombo Radyo Koronadal.
Suno kay Muyco, ang mga apektado nga barangay ang ginalakipan sang Barangay Bacdulong kag Barangay Población.
Isa sa nakit-an nga rason sang Kamahong ukon fish kill ang pagnubo sang dissolve oxygen sa tubig, tungod sa pollution halin sa kemikal kag paglapta sang bacteria sa tubig.
Ginalantaw man nga rason amo ang paggamit sang manubo nga kalidad sang tubig.
Sa kabug-usan nga 30 ka tonelada nga apektado, 5 ka tonelada diri ang nagkalamatay nga mga isda.
Suno kay Muyco mas nanubo ang napagkit nga record sang fish kill kun ikumparar sang nagligad nga tuig bangud nga na-sold out ang mga ini labi na nga nagsaka ang mga buyers tungod sa mahal nga presyo sang isda nga halin sa dagat.
Sa karon, padayon nga ginalagas ang pag-harvest sang nga tilapia nga indi kontaminado.
Nahibaluan nga 1 week na nga wala ginapakaon ang mga isda kun diin kadam-an sa nabilin yara na market size.
Sa karon under observation ang duha ka barangay nga apektado sang kamahong ukon fish kill.
