-- ADVERTISEMENT --
Ginkumpirma sang Department of Health (DOH) nga naglab-ot na sa 15 ang kaso sang mpox sa pungsod.
Sa nasambit nga numero, 11 diri halin sa National Capital Region, tatlo sa Calabarzon, kag isa sa Cagayan Valley.
Kadam-an sa mga pasyente mga lalaki kag isa lang ang babae kun diin wala naman ginpahayag sang DOH ang ila mga identity.
Ang tanan nga mpox cases amo ang Clade II nga mas madali masolusyunan.
Pahayag pa sang DOH nga wala dapat kabalak-an sa nasambit nga numero bangud indi man ini airborne nga virus.
Mahimo nga malatnan lamang kon madugay nga nagadikit sa panit sang tawo.
