Gin-awhag sang Philippine National Police (PNP) si Pastor Apollo Quiboloy nga lider sang Kingdom of jesus Christ (KOJC) nga magsungka na sa mga otoridad samtang temprano pa kag atubangon ang mga kaso nga ginpasaka batuk sa iya.
Ini kasunod sang panibag-o nga pagserbe sang warrant of arrest sang PNP Regional Office (PRO) 11 sang Sabado sang aga sa KOJC Compound sa Davao City.
Ini agud nga malikawan ang mga insidente nga mahimo maghatag sang kapahamakan sa publiko at sa mga tagasuporta sang pastor.
Suno kay PNP Spokesperson Col. Jean Fajardo, indi mag-untat ang mga kapulisan sa pagpangita tubtob nga indi tigayon nga madakpan ang pastor.
Ang mga kaso suno pa ni Quiboloy ang indi lamang mga simple nga kaso kag kinahanglan nga ipaidalom ini sa nagakaigo nga proseso.
Madumduman nga nainvolbar ang pastor sa mga kaso nga rape, human trafficking kag pag-pang abuso sa mga menor de edad.
Samtang sa operasyon nga ginhimo sang PNP, halos 3,000 ka tropa sang mga kapulisan ang nagsulod kag nagchekyar sa compound sang KOJC para mapangita ang pastor.
Sa karon, wala pa ini makit-an sang mga otoridad.
