KORONADAL CITY – Gindesignar si Police Brigadier General James Gulmatico bilang bag-o nga OIC Regional Director sang Police Regional Office (PRO) 12.
Ini kadungan sang ginpatigayon nga fag raising ceremony sang Agosto 5, 2024 sa Grandstand, PRO 12, Camp General Paulino T Santos, Tambler, General Santos City.
Opisyal nga nag-assume Gulmatico bilang OIC Regional Director sang PRO 12 bilang tal-os sa nagretiro nga si P/BGen Percival Augustus P Placer.
Sa iya nga mensahe, ginlatag ni Gulmatico ang mangin direksyon sang iyia nga liderato lakip na ang pagpaayo sa public safety and security; professional development; kag community engagement.
Nagpromisa man ini nga ipadayon niya ang misyon sang kapulisan, siguruhon nga mangin malinong kag matawhay, kag ang pagpakig-angot kag pagbulig sa komunidad sa rehiyon.
Antes nga gindesignar sa pwesto, si Gulmatico ang nagserbe nga pinuno sang Deputy Regional Director for Administration (DRDA) of PRO BAR.
Siya ang miyembro sang Philippine National Police Academy (PNPA) “SANDIGAN” Class of 1994.
