Nagapadayon ang imbestigasyon sang mga otoridad sa nasapwan nga bangkay sang isa ka lalaki nga nagalutaw-lutaw sa baybayon sang Sitio Batog, Barangay Polloc, Parang, Maguindanao del Norte, Domingo nga adlaw, Agosto 4, 2024.
Suno sa Parang Municipal Police Station, wala pa makilala ang biktima gani nagapanawagan ang mga ini nga kadtuan kag e-berepika ang bangkay ilabi na sa mga nadulaan sang pamilya.
Nahibaluan nga ginsulod sa sako ang biktima, ginbutangan sang packing tape ang ulo, ginabulubanta nga yara sa edad nga 30-35 anyos, nagasuksok sang brown nga t-shirt nga may tatak Wrangler kag itom nga short pants.
Gindala na sa Cabangon Funeral Home ang bangkay sang lalaki nga ginapatihan biktima sang summary execution.
Samtang, nagapadayon naman ang imbestigasyon sa kamatayon sang biktima kag kun ngaa nasapwan ini sa baybayon.
