Dako ang nabulig ukon kontribusyon sang mga OFW sa Pilipinas, ilabi na sa ekonomiya.
Pero ang problema madamo sang mga Pinoy ang nagaubra sa guwa sang pungsod sa baylo nga mag ubra sa Pilipinas.
Ini bangud suno pa sa kakulangan sang trabaho sa Pilipinas kag dyutay nga sweldo rason nga naga-abroad ang mga Pinoy agud nga makipagsapalaran para sa ila nga pamilya.
Ini ang nagin pahayag ni Jelin Dohina Asamoah ang Bombo Correspondent from Newyork,USA sa interview sang Bombo Radyo Koronadal sang ginkuhaan sang reaskiyon sa SONA ni Pangulong Ferdinand Marcos jr.
Suno kay Asamoah mabudlay mangita sang trabaho sa Pilipinas ilabi na madamo ang mga requirments pero gamay lang ang sweldo.
Mapa-highshcool man or college graduate indi gilayon mabaton sa trabaho bangud kinahanglan naman sang work experience, rason nga nagadamo ang indi makakita sang ubra sa Pilipinas kag ginapili nalang magpadulong abroad kay dako pa ang sweldo.
Bangud sini, kinahanglan nga lantawon sang gobyerno kun ano ang makapaayo sa mga Pinoy agud magpabilin sa pungsod sa baylo nga magtrabaho sa abroad kag mag-antos nga malayo sa pamilya.
