KORONADAL CITY -Yara na sa kustodiya sang mga otoridad ang isa ka ginakabig nga high value individual sa Purok 7, Brgy. Dansuli, Isulan, Sultan Kudarat.
Ginkilala ni Police Lieutenant Colonel Julius Malcontento, hepe sang Isulan Municipal Police Station, ang suspek nga si alyas “Mar”, 29-anyos, soltero kag residente sang South Sepaka, Bagumbayan, Sultan Kudarat.
Suno kay PLtCol Malcontento, alas-4:30 sang hapon sang maaresto ang suspek sang mga tinawo sang SKPDEU (Lead Unit), Isulan MPS at 1st SKPMFC, matapos makabakal sang ginapatihan nga shabu sa nagpakuno-kuno nga poseur buyer kabaylo sang buy-bust money.
Kumpiskado gikan sa suspek ang kabug-usan nga 4 ka plastic sachet sang ginapatihan nga shabu nga may 7 gramo nga nagakantidad sang Php47,600 at Php1,000 bill bilang buy-bust money.
Magapangatubang naman ang suspek sa kaso nga paglapas sa RA 9165 ukon “Comprehensive Dangerous Drugs Act of 2002”.
