KORONADAL CITY – Luwas kag wala pa sang panibag-o nga kaso sang African Swine Fever (ASF) sang syudad sang Koronadal apisar nga liwat nga naglapnag ang nasambit nga balatian sa kaiping sang probinsiya sang South Cotabato nga amu naman sang Cotabato Province.
Ini ang nangin pahayag ni Dr. Charlemagne Calo, Koronadal City Veterenarian sa interview sang Bombo Radyo Koronadal.
Suno sa iya, arasa gihapon sa yellow status ang syudad sang Koronadal kon African Swine Fever (ASF) ang istoryahan base man sa National ASF Prevention and Control Program sang Bureau of Animal Industry.
Ang upgrade amo ang gikan sa “Pink” padulong sa “Yellow” zone matapos nasunod sang Koronadal ang mga guidelines sang ahensya.
Madumduman nga maid-id nga gin monitor sang syudad ang estado ang African Swine Fever (ASF) kag nagpatigayon ini sang Sentineling Program sa diin 81 ka mga baboy ang napanagtag sang naglabay nga tuig sang bulan sang Nobyembre sa pagpanguna sang Department of Agriculture (DA) Regional Field Office XII sa 51 na mga benepisyaryo.
Madumduman nga may mga hog raiser nga nakabaton sang mga baboy nagikan sa bahin sang Barangay Namnama, Rotonda kag San Jose nga nangin apektado sang ASF sa Koronadal.
Padayon naman ang monitoring sang pamunuan sang Koronadal City Veterarian sa mga naga sulod nga mga pork meats kag pork products sa syudad agud nga malikawan ang liwat nga paglapta sang balatian sa syudad.
