Para sa grupo nga Philippine Chamber of Agriculture and Food Inc. (PCAFI), indi sustainable ang inisyatibo sang gobyerno nga magbaligya sang daan nga stock sang bugas sang National Food Authority (NFA) sa balor nga P29 kada kilo.
Suno kay PCAFI President Danilo Fausto, posible indi ma sustener sang NFA ang pagbaligya sang mga stock sini bangud nagsugod na ang tig-ululan.
Sa tiun mag-igo ang kalamidad, posibli indi na makapagwa sang stocks ang NFA.
Mahimo man mag-angkon sang sayop nga impresyon ang inisyatibo nga ginatawag nga “Bigas 29” nga ini ang sustainable. Apang mahimo lamang ini suno kay Fausto kun abagahon sang gobyerno ang kapyerdehan.
Sa pihak sini, ginpanindugan ni Department of Agriculture Assistant Secretary Genevieve Guevarra nga sustaibable ang programa kag mahimo maglawig sa maabot pa nga mga tinuig.
Nahibaluan nga ang P29 kada kilo nga bugas ang sarang lamang mabakal sang mga benepisyaryo sang 4Ps, senior citizens, PWDs, kag solo parents. Limitao lamang sa napulo ka kilo kada pamilya ang mahimo mabakal.
