Russia naglunsyar sa liwat sang drone attacks sa Ukraine, 21 ka mga drones napatibusok

Napatibusok sang Ukraine ang 21 ka mga Shahed drones matapos nga maglunsyar sang panibag-o nga drone attack ang Russia.

Suno sa pahayag sang Ukrainian Air Force, napatibusok sang ila air defense systems ang mga drones matapos nga magsulod ang mga ini sa anum ka mga rehiyon sa northern kag central Ukraine.

Nahibaluan, apisar nga na-shoot down sang air defenses ang mga drones, nakalusot sa gaihapon kag gin-igo ang isa ka facility sa naaminhan nga rehiyon sang Chernihiv.

Samtang, wala naman sang may nareport nga napatay ukon nasamaran sa drone attack, apang 5,000 ka mga konsumidor ang nadulaan sang suplay sang kuryente.