Ginkumpirmar sang Big Hit Music nga agency sang South Korean boy group nga BTS nga mangin torchbearer ang miyembro nga si Jin para sa 2024 Paris Olympics.
Apisar wala pa nahibaluan ang insakto nga petsa kun san-o mangin kabahin sang Olympic Torch Relay si Jin, ginpahayag sang agency nga ipadala sia bilang torchbearer halin sa South Korea kag mangin kaupod man niya ang iban nga mga sikat nga personalidad nga naka-schedule nga magbisita sa nanari-sari nga mga historical sites sa France.
Ang Olympic duty nga ini amo ang una nga public activity sang singer matapos nga makompleto sini sang Hunyo 12 ang 18 ka bulan nga mandatory nga pagserbe sa Korean military.
Si Jin ang pinakauna nga miyembro sang BTS nga nakompleto ang military service nga pagasundan ni J-hope nga matapos sa Oktubre.
Ginalauman naman nga makompleto liwat ang grupo kun matapos sang iban nga mga miyembro nga sanday Suga, RM, Jungkook, Jimin kag V ang ila military service sa tuig 2025.
