Ginkumpirmar sang Department of Migrant Workers (DMW) nga naluwas na ang 21 sa 22 ka mga Filipino nga seafarers nga sakay sa MV Tutor nga gin-atake sang rebelde nga Houthi sa Red Sea.
Suno kay DMW Secretary Hans Cacdac, naglunsyar sang rescue mission ang gintingob nga international forces kag yara na sa luwas nga kondisyon ang mga sakay, magluwas lang sa isa ka Pinoy nga natabuan yara sa engine room sang barko sang matabo ang pag-atake sang damlag lang.
Ginpasalig ni Cacdac nga indi ang mga ini mag-untat tubtob indi ma locate ang missing nga seafarer nga posibli yara sa gihapon sa sulod sang amo nga barko.
Nahibaluan nga ang MV Tutor ang ikatatlo na nga barko nga gin atake sang mga rebelde nga Houthi nga may sakay nga Filipino nga crew.
Sa karon ginapanugyanan sang DMW ang mga nagapanag-iya sang mga barko nga pahanugotan ang mga Pinoy sa tiun magpamalibad ang mga ini magsakay sa barko nga maga labay sa Red Sea bangud sa kahadlok sa presensiya sang mga rebelde nga Houthi.
Ang pag atake sang mga rebelde ang ginakabig balos sa Israel sa wala sini untat nga pagbomba sa Gaza strip nga ginkamatay na sang linibo nga pumuluyo sumugod pa sang Oktubre 2023.
