Luwas nga nakabalik sa Pilipinas ang 13 PIlipino nga tripulante nga sakay sang M/V MSC Sariska V nga naigo sang mga projectile samtang pahalin sa Port of Umm Qasr sa Iraq, suno sa Department of Migrant Workers (DMW).
Gilayon sila nga ginrescue sng mga awtoridad sa Iraq matapos ang insidente kag ngaabot sa Ninoy Aquino International Airport Terminal 1 sakay sang Philippine Airlines.
Suno sa DMW, napatigayon na ila nga repatriation pinagi sa pagpakig-angot sa nagapanagiya sang barko, licensed manning agency, kag Embahada sang Pilipinas sa Iraq.
Ginsugata man sila sa pahugpaan sang mga katapo sang DMW, Overseas Workers Welfare Administration (OWWA), medical team sang Manila International Airport Authority (MIAA), ila mga manning agency, kag New NAIA Infrastructure Corporation (NNIC).
Luwas sa airport assistance, nagpaidalom man ang mga seafarer sa medical evaluation kag nakabaton sang pinansyal nga tulong kag ginproseso naman ang ila pagpauli sa ila tagsa tagsa ka mga probinsya.
Ginapaidalom na ang mga nasmabit nga indibidwal sa komprehensibo nga medical kag psychosocial counseling.
