Wala naga untat ang Securities and Exchange Commission (SEC) sa pagpaandam kag pagpasaka sang kaso batuk sa mga nagahimo sang ilegal investment schemes.
Suno sa SEC, ang pinakahuli nga ginpasakaan nila sang kaso amo si Hector Pantollana, ang lider sang Philippine National Esports League, Horizon Players Club, kag Team Z.
Kaupod sa ila nga ginpasakaan pa sang kaso ang 27 ka iban pa nga mga lider sang casino junket operators nga ginasugid nga mga kaalyado ni Pantollana.
Nahibaluan nga nakasala ang mga ini sa Securities Regulation Code (SRC) kag Anti-Money Laundering Act kun diin nadiskubrihan nga nagakolekta sang mga investments para sa ila casino junket operations kag iban pa nga financial activities.
Nagpaguwa man ang SEC sang cease and desist order sa mga ini sang nagligad nga tuig, apang wala nila ini ginsunod.
