Masobra 4,000 na ang bakwit bangud sa epekto sang pag-alburoto sang Mt. Kanlaon

Nagsaka pa sa masobra 4,000 ang kabug-usan nga numero sang bakwit nga nagapabilin sa mga evacuation centers bangud sa paglupok sang bulkan Kanlaon.

Partikular diri ang mga pumuluyo nga naghalin sa Negros Island nga nagpili nga magpalayo sa katalagman.

Sa pinakaulihi nga impormasyon sang Office of Civil Defense – National Disaster Risk Reduction and Management Council, ang mga ini ang nagalab-ot sa 4,391 nga nagapabilin sa walo ka evacuation centers.

Sa sini nga numero, yara sa 4,131 ang nagikan sa Negros Occidental samtang 260 ang naghalin naman sa Negros Oriental.

Kaangot sini, masobra sa Php9 milyones na ang nahatag nga bulig masobra 6,000 nga mga pamilya.