Apat ka mga bihag sang grupo nga Hamas ang naluwas sang Israel kasunod sang ginlunsyar sang pinakadako nga hostage rescue operation sa Gaza.
Ang amo nga operasyon sa central Gaza nga ginalakipan sang heavy air kag ground assault ang nagresulta sang kamatayon sang 210 ka mga Palestinian, kalakip na diri ang mga kabataan.
Nahibaluan nga kalakip sa naluwas sang Israel sining karun lang matapos una nga ginbihag sang Oktubre 7 nga pagsalakay sang Hamas sa Israel amo sanday Noa Argamani, 26; Almog Meir Jan, 22; Andrey Kozlov, 27; kag Shlomi Ziv, 41.
Samtang ginpasalig ni Israeli Prime Minister Benjamin Netanyahu nga padayon nga magatinguha ang mga ini tubtob nga maluwas ang tanan nga bihag sang Hamas.
Ginpakamalaot naman sang mga lider sang Hamas nga yara sa Lebanon ang makahas nga tikang sang Israel nga nag-utas sang kabuhi sang linibo nga Palestinian.
