KORONADAL CITY – Wala pa sang pormal nga reklamo nga nabaton ang talatapan ni Koronadal City Mayor Eliordo U. Ogena angot sa suno pa operasyon sang bulangan nga New Alkor Gallera ukon Koronadal Sports Complex sa siyudad apisar nga wala sang franchise kag nagakaigo nga business permit.
Suno kay Mayor Ogena, nabatian niya lamang ang reklamo apang wala pa sini makita ang dokumento kun ano ka tuod ang nasambit nga alegasyon.
Dugang pa sang alkalde, may naka-assign nga tagsa ka departamento nga amo may responsibilidad angot sini kasuubong sang Licensing Office nga nagachekyar sang mga negosyo kun naga-comply sang mga rekisitos nga kinahanglan antes mahatagan sang business permit agud maka-operate.
Kag sa tion naman nga mag-operate na yara naman ang City Treasurers Office nga magkolekta sang buwis agud madugang sa revenue sang siyudad.
Apang, ginpasalig sang alkadle nga sa tion nga makaabot suno pa sang pormal nga reklamo iya nga opisian igamandu sini sa nagakaigo nga departamento ang paghulag agud nga mahatagan ini sang nagakaigo nga aksyon santo sa layi.
