Naglayag ang pinakadaku kag pinakamoderno nga balangay padulong sa West Philippine Sea, partikular sa isla sang Pag-asa, agud ipakita ang aton pag-insister sa kinamatarong sang pungsod sa territorial waters nga ginalibutan sang mga barko sang China.
Nag-abot sa isla ang balangay gikan sa Butuan nga may 19 ka mga tripulante kun diin ma plano man sila nga magpatigayon sang medical mission sa isla.
Una na nga nakaeksperiensya ang mga tripulante sang mga pag-uyang antes maglayag, diin nagdugay sang 6 ka oras ang paglunsad sang B. Florentino Das sa suba sang Agusan.
Ang moderno nga balangay nga ginatawag nga Florentino Das may mga kurtina kag air conditioning sa cabin.
May ara man ini sang wi-fi kun diin ginpabaskog man ni anay transportation kag environment undersecretary Art Valdez ang importansya sang maragtason nga paglayag sa handum nga ipakita sa China nga ang mga Pilipino nagalayag sa mga lugar nga ginaawayan.
Dugang pa sini, isa ka humanitarian kag malinong nga pamaagi ini sang Pilipinas agud madepensahan man ang soberenya sang pungsod.
