KORONADAL CITY – Tuman ang kalipay sang isa ka balo nga may 7 ka kabataan matapos nga nagdaug sang Php 50,000 sa grand draw sang Buena Mano Salvo Year 18 sang Bombo Radyo kag Star FM.
Siya amo si Nanay Roditha sang Purok 1, Barangay Dumadalig, Tantangan, South Cotabato nga naghulog sang entry sini nga may proof of purchase nga Surf powder sa Bombo Radyo Koronadal.
Suno sa iya, gastuhon sini sa iya manug-graduate nga mga bata ang kabahin sang nadag-an sini nga premyo kag ibakal man sang panihanglanon sa ila panimalay.
Nahibaluan nga wala sang stable nga trabaho si Nanay agud mabuhi ang iya pito ka kabataan.
Sang napatay ang bana sini, siya na lamang ang nagaisahon nga nagatinguna sa pagbuhi sa ila pamilya.
Nagapanguma ini, napanglabor kag kun anu na lamang nga trabaho agud makakaon sila nga pamilya.
