Nagsaka pa sa P810 milyon pesos ang napagkit nga damyos sa Agricultural sector tuga sang El Nino phenomenon sa bug-os nga probinsiya sang South Cotabato.
Ini ang ginpahayag ni Provincial Disaster Risk Reduction and Management Officer (PDRRO) head Rolly Doane Aquino sa interview sang Bombo Radyo Koronadal.
Suno kay Aquino, ini ang kabahin sang nagapadayon nga assessment kag evaluation sa mga apektado nga kabarangayan sa bug-os nga probinsiya.
Apang, ginalauman nga magsaka pa ini bangud ginahulat nga consolidated report nagikan sa tagsa ka Munisipyo nga tuman nga naapektuhan.
Kaangot sini, natalana na nga magapanagtag sang bulig ang probinsiya sa mga apektado nga residente sa madason nga semana sandig sa ginsumiter nga datos sang tagsa ka lugar.
Dugang pa sang opisyal, ang igapanghatag nga bulig ang ginalakipan sang food packs kasubong sang bugas kag canned goods, subong man farm inputs para sa mga mangunguma.
Ginpasiguro man ni Aquino nga igahatag ang nagakaangay nga bulig sa mga nagakinahanglan nga apektado sang kalamidad.
Magluwas sini nagapangita man sang paagi ang provincial government nga makakita sang dugang nga pundo sa igahatag nga bulig sa mga taga-South Cotabato
