KORONADAL CITY- Nagsungka ang siyam ka mga katapo sang Bangsamoro Islamic Freedom Fighters o BIFF sa idalo sang Karialan Faction nga ginpresenta sa Battalion Headquarters sang 33rd Infantry Battalion sa Radjah Buayan, Maguindanao del Sur.
Ang pagsungka sa mga ini ang kasunod sang nangin madinalg on nga joint Army kag PNP operation sa boundary sang Mamasapano kag Radjah Buayan, Maguindanao del Sur sang naglabay nga semana.
Sa nasambit nga operasyon, naaresto ang BIFF subleader nga si alyas Marox nga wanted sa kaso nga destructive arson, pagbayolar sa anti-terrorism law kag multiple attempted murder samtang patay naman ang bata sini nga si Mohamad Nanding.
Lakip sa siyam nga nagsungka ang tatlo pa ka mga himata sang nasambit nga subleader.
Pipila sa mga ini ang gikan pa sa banwa sang General Salipada K Pendatun, Datu Unsay kag Pikit.
Kadungan sa ila nga ginsungko ang ila nga mga high powered firearms.
Kabulig sang mga militar kag pulisay sa madinalag on nga pagsungka sang mga BIFF members amo ang local government unit sang Radjah Buayan kung sa diin ginhatagan sila sang bulig.
Una naman nga nagpahayag si Brig. Gen. Oriel Pancog, ang Commander sang 601st Brigade, Phil. Army nga padayon sila sa pagpanawagan sa mga nabilin pa nga mga terorista nga magbalik na sa sabakan sang gobyerno.
