KORONADAL CITY- Nagpaandam ang City Health Office Koronadal sa publiko sa epekto sang El Niño Phenomenon sa ikaayong lawas sang tawo.
Sa interbyu sang Bombo Radyo Koronadal kay Dok Vincent Ende, ang City Health Officer sang Koronadal, ginpahayag sini nga mahimo ma-eksperyensyahan ang moderate to severe drought conditions halin Pebrero tubtob Mayo 2024.
Bangud sa mataas nga temperatura , mahimo makabatyag sang heat cramps, heat exhaustion, extentional heat injury kag heat stroke.
Ang diarrhea kag skin disease ang posible maangkon sang tawo kun indi bastante ukon kulang ang tubig.
Indi man madula ang Dengue Fever kag iban pa nga mosquito-borne diseases kaangay sang Japanese Encephalitis, Chikungunya kag Zika virus.
Mangin mahinalungon man sa pagkaon sang shellfish bangud sa tuman ka init sang panahon, dako ang tyansa nga may yara sang red tide kag magresulta sa Paralytic Shellfish Poisoning.
