KORONADAL CITY – Nadugangan pa ang numero sang patay matapos nahulog ang Ceres Bus sa Baramgauy Igbucagay, Hamtic, Antique.
Ini ang nangin pahayag ni Mr. Broderick Train ang PDRRMO HEAD sang Antique sa interbyu sang Bombo Radyo Koronadal. Suno sa iya, yara na sa 18 tanan ang napatay nga kung sa diin ang pinakaulihi nga casualty sa nasambit nga aksidente amo ang 21 anyos nga babaye.
Nagtaliwan ini bangud naangkon nga pilas sa nagkalain-lain nga bahin sang iya lawas. Sa subong, isa na lang ang kritikal nga na-confine sa nasambit nga ospital.
Ginkasubo naman sang opisyal ang panghilitabo bangud suno sa iya ang nasambit nga area kung diin natabo ang insidente ang ginakonsidera nga “accident prone area” -kung sa diin nahibaluan nga indi na ini ang una nga bes nga may yara sang nagluntad nga insidente sa area kag may mga napatay nga indibidwal.
Sa karon, padayon man ang bulig sang ila nga talatapan para sa mga kinahanglanon sang mga biktima ilabi na ang nagapabilin pa sa karon sa balay-bululngan kag padayon nga nagapaayo.
