KORONADAL CITY – Nagpaalinton sa karon ang City Veterinary Office sang Koronadal sa publiko may kaangtanan sa posible nga pag-igo sang balatian nga Mycoplasma para sa mga baboy sa subong nga tig-ilinit.
Ini ang ginpahayag ni City Veterinarian Dr. Charlemagne Calo sang Koronadal sa interbyu sang Bombo Radyo Koronadal.
Suno sa iya, ang ini nga balatian ang makabatyag suno pa sang pag-ubo ang baboy nga posible nga maglala kag mangin isa ka pneumonia.
Isa pa sa posible nga mga rason nga maangkon ang ini nga balatian ang tuman ka init nga lugar ng mangin tunaan sang gilayon nga atakehon ang isa ka baboy kasubong sang heat stroke.
Nagpaalinton na lamang ini sa tanang mga hog raisers nga kung pwede pataasan ang ceiling o mga atop sang babuyan agud malikayan ang tuman kainit nga makaapekto sa ila nga ikaayong lawas.
