KORONADAL CITY- Ginkadismaya sang Retired Commissioner/ PWD Partylist Representative ang padayon nga pagduso sang Maharlika Investment Fund bangud isa na naman ini nga dako nga kalugian para sa pungsod.
Sa interbyu sang Bombo Radyo Koronadal kay Atty. Rowena Guanzon, Retired Commissioner/ PWD Partylist Representative, ginpahayag sini nga indi ini ang insakto kag napapanahon nga desisyon sang pangulo bangud nagakaproblema pa ang pungsod pag abot naman sa inflation.
Suno pa s aiya, ang MIF ang para lamang sa mga pungsod nga mga manggaranon.
Nahibaluan nga ang Maharlika Investment Fund ang himuon pinaagi sa mga pondo sa diin P50 billion ang magahalin sa Land Bank of the Philippines, P25 billion sa Development Bank of the Philippines kag P50 billion sa National Government.
Nagapangabay na lamang ini nga indi madayon bangud mangin lugi gid katama ang mga pumuluyo kag ini pa ang mangin rason nga malubog sa utang ang pungsod.
