KORONADAL CITY- Lima patay samtang duha naman ang arestado sa implementasyon sang Search Warrant may kaangtanan sa pagbayolar sang RA 10591 sa Brgy. Dungos, Tulunan, Cotabato.
Ini naman ang nangin kumpirmasyon ni PCapt. April Rose Soria, Spokesperson sang North Cotabato Police Provincial Office sa interbyu sang Bombo Radyo Koronadal.
Suno pa sa iya, lakip sa napatay ang ginkilala kay Lamalan Cabakungan, alyas Kumander Magnetic, yara sa husto nga pangedaron, may asawa kag residente sang Brgy. Dungos, Tulunan, Cotabato.
Bangud sa gintingob pwersa sang CPPO, Tulunan MPS kag iban pa nga mga otoridad, ang search warrant ang natigayon kung sa diin nahibaluan sang mga akusado nga kulukasubong may yara na sang nagapalapit nga mga tropa kag nagresulta sa ila nga pagbato nga kung sa diin nagbayluhanay pa sang pagpalupok nga nagdugay sang yara sa masulusobra 30 ka minuto antes ini matapos.
Suno pa sa opisayl, ang engkwentro ang nagresulta sa kamatayon ni Cabakungan kag apat ka mga kaupdanan samtang arestado naman ang duha pa sini ka mga kaupdanan nga tubtub sa karon ginahibalo pa ang ila nga identity.
Narekober suno pa gikan sa mga akusado ang duha ka mga piraso sang heat sealed transparent plastic sachet nga naga unod sang ginpatihan nga shabu.
