KORONADAL CITY- Ginakonsidera sa karon nga isa ang Maguindanao Del Sur sang may pinakadamo nga mga hot spot areas o kun mga lugar nga madamo sang asud-asud nga krimen nga nagaluntad.
Sa interbyu sang Bombo Radyo Koronadal kay Datu Hoffer town chief Police Captain Ramillo Serame, ginpahayag sini nga nagkalain lain lamang nga mga kinagamo ang nagaruluntad sa Maguindanao del Sur nga kung sa diin isa man ang area nga iya nga nasakupan ang iya ginabantayan agud nga indi na magdata pa ang anuman nga mga krimen.
Kasubong na lamang sa nagluntad nga pag-pang ambush sa lugar nga kung sa diin makabig nga nakahatag sang pagkaalarma sa pipila ka mga pumuluyo apisar nga nagapadayon sa gihapon ang ila naman nga ramadan para sa mga kauturan nga muslim.
Sa karon, mas ginapahugtan nila ang ila nga pwersa agud nga indi na magdamo pa ang ano man nga insidente ilabi na nga damo pa sang aktibidad nga mag arabutan kasubong na lamang sa semana santa kag palaabuton nga eleksyon sa Octobre.
