KORONADAL CITY- Dead on the spot ang isa ka empleyado sang SOCOTECO-1 sang ginluthang ini ka riding-in-tandem suspek alas-9:30 sang aga sa Purok Bulak, Barangay Parasio, Koronadal City. Ginkilala ang biktima nga si Valentine Lope, 54-anyos, residente sang nahambal nga lugar.
Suno sa iya nga live-in partner nga si Charmaine Ariola, nakasakay sila duha sa kotse halin sa gym kag pauli na ang mga ini.
Pagpanaog sang biktima sa salakyan, dayon na lang nga nakabati sang pagpusil sang dalawa ka lalaki nga naka-motorsiklo ang iya nga live-in partner.
Dugang pa sini nga gintutukan man siya sang pusil sang gunman apang gin-iwasan niya ini gamit ang iya nga gym bag kag maswerte gid nga hindi nadayon ang pagpamusil sa iya.
Madasig naman nga nakapalagyo ang mga suspek sakay sang motor. Ginsaysay sini nga apat ka igo sang bala ang nakuha sang biktima nga naging rason sang pagka-utod sang iya nga kabuhi.
Sa subong padayon sa gihapon ang ginahimo nga imbestigasyon sang mga awtoridad sa nahitabo nga pagpangluthang.
