KORONADAL CITY – Nagalaum ang isa ka mangunguma kag tag-iya sang kamaisan nga nagkahalapay bangud sa mabaskog nga hangin ukon buhawi dala sang pagbuhos sang ulan nga kuntani mabuligan sila kag matagaan sang assistance sang local government unit (LGU). Ini bangud nagahulag kag naga preparar na ini sang dapat nga e-proseso agod makahatag sang report sa barangay natuhoy sa natabo nga insidente agod matagan sang assistance.
Ginpahayag sang mangunguma nga si tatay Andres sa interbyu sang Bombo Radyo Koronadal, nga tuman ka apektado ang masobra 2 ka ektarya niya nga kamaisan nga naga balor sang masobra 100,000 nga nagastos niya halin sa land preparation sini kag naga ekspektar nga ma harvest kuntani ang iya nga mga mais sa Abril 19 subong nga tuig apang kasubo mahibaluan nga isa ini sa nangin apektado sa danyos nga ginbilin sang mabaskog nga ulan ang iya nga pangkabuhian.
Apang naghatag man ini sang laygay sa mga katawhan ilabi na sa mga mangunguma nga naapektuhan ang pangkabuhian bangud sa mabaskog nga ulan nga hindi lang kuntani mag problema kag iagi nalang sa pagkadlaw ang hindi manami nga natabo agod nga hindi mas maglain ang buot kay waay naman sang mahimo kay isa man ini ka natural mga kalamidad.
Samtang, bukas man ang talatapan sang Koronadal City Disaster Risk Reduction ang Management Council nga magbulig sa mga katawhan kun diin nagapadayon man ang damage assessement sa mga kabaranggayan nga gin-igo sang nasambit nga kalamidad.
