KORONADAL CITY – Halos 200 na ang napagkit nga kaso sang kaso sang hand, foot and mouth disease(HFMD) sa 20 ka mga barangay sa banwa sang Banga, South Cotabato.
Ini ang ginkumpirmar ni Dr. Ellen Quidilla sang Municipal Health Office sang Banga sa interview sang Bombo Radyo Koronadal.
Suno kay Quidilla, ini ang sandig sa datus sang municipal health office halin Enero 27 tubtob Pebrero 1 subong nga tuig.
Kadam-an sa nakaangkon sang balatian ang mga bata edad 2-anyos pataas kun diin ang pinakabata nga nalatnan sang balatian ang yara sa duha ka bulan pa lamang samtang 75 –anyos naman ang pinakatigulang.
Ginhan-ay man sini nga ang mga sintomas sang hand, foot and mouth disease ang hilanat, pilas sa bibig kag skin rash nga makita sa palad kag dapa2x.
Nahibaluan nga gilayon nga naghatag sang interbensyon ang municipal health office agud mapunggan ang paglapta sang balatian.
Nagpatigayon man sang disinfection ang Municipal Disaster Risk Reduction and Management Office sa mga eskwelahan sa banwa nga apektado.
Samtang, sa Lunes nga adlaw, magasinapol ang MHO sa mga barangay Kapitan sa 22 ka barangay aggud nga maghimo sang tikang nga mapaunggan sini bangud nga alarming na katama kag makabig na ini nga outbreak kag tun-an ang pagdeklarar sang state of calamity.
