KORONADAL CITY-Nagapadayon sa subong ang pagtumod sang mga otoridad sa mga suspek nga responsable sa nagluntad nga pagpangluthang sa bahin sang Barangay Palian, Tupi, South Cotabato sa diin 1 ang patay kag isa naman nga padayon nga naga paayu sa balay-bululngan.
Suno kay ni PMSgt. Rhea Gatinao, information officer sang Tupi PNP.
Ginpahayag sini nga wala pa sa subong sang natumod nga mga persona nga responsable sa krimen ang ila nga pamunuan.
Ginkilala sini ang mga biktima nga sanday Eman Boris Kalamongi, 21 kag ang magulang sini nga si Jayvee Kalamongi, 24 anyos nga lunsay mga residente sang Lote, Sitio Abdul, Barangay Palian sang nasambit nga banwa.
Sa inisyal nga imbestigasyon sang mga otoridad, nagatindog ang duha ka mag-utod sa isa ka waitingshed sa atubang sang Barangay Hall sa ila nga lugar sang hinali na lamang nga nagpundo ang isa ka motorsiklo kag ginpangluthang ang mga biktima.
Dead-on-ths-spot si Eman Boris samtang nakapalagyo naman ang utod sini nga si Jayvee.
Nagpalagyo naman padulong sa wala pa nahibaluan nga direksyon ang mga suspeks. Narekober naman sa sling bag sang napatay nga biktima ang component sang Improvised Explosive Device o IED .
Magluwas pa diri, nahibaluan man sang mga kapulisan nga may ara sang ginapangatubang nga kaso nga robbery with homecide ang napatay nga biktima.
Madumduman nga patay man sa pagpangluthang sang adlaw sang paskua ang isa ka Barangay Kawagad sang Barangay Palian nga si Datulim Kalamongi Pagutaran nga pakaisa man sang mga biktima.
Nagapadayon naman ang background check sang mga otoridad sa mga biktima.
