KORONADAL CITY – Natalana nga pasakaan sang kaso nga pagbayular sa RA 9165 ukon Comprehensive Dangerous Drugs Act of 2002 partikular sa section 5,11 kag 12 subong man pagbayular sa RA 10591 ukon unlawful acquisition or possession of ammunition ang duha ka mga naaresto sa ginpatigayon nga drug-buy bust operation sang mga otoridad sa siyudad sang Koronadal.
Ini ang ginkumpirmar ni PLt.Col. Amor Mio Somine, hepe sang Koronadal City PNP sa interview sang Bombo Radyo Koronadal.
Ginkilala ang mga naaresto nga sanday Jeffrey Tulabot, nga amo ang target sang operasyon kag Michael De Jesus nga lunsay mga resident sang Barangay Morales, Koronadal City.
Suno kay Somine, kabug-usan nga 14 ka sachet sang ginapatihan nga shabu ang nakuha sa mga suspek nga may market value nga P50,000.
Dugang pa sang opisyal si Jeffrey ang duha ka semana pa lamang nga nakaguwa sa presuhan sa kasubong nga kaso kag yara sa drug watchlist sang mga otoridad.
Nahibaluaan nga nagikan sa Purok Pinto sa Barangay Zone 3 ang transaksiyon padulong sa terminal tubob nagpalagas ang mga suspek sa mga otoridad sa Robredo Street kag tigayon nga naaresto sa bahin sang Purok Tony Ko, Gensan Drive Koronadal City.
Magluwas sa mga sachet sang shabu, nakuhaan man ang mga ini sang isa ka replica nga pusil.
