KORONADAL CITY- Nagapadayon sa gihapon tubtob sa karun ang pagpanghatag sang assistance sang DSWD sa mga kwalipikado nga student in crisis.
Ini ang ginpahayag ni DENNIS DOMINGO-Procurement officer. Concurrent head of social mktg unit DSWD-12 sa interbyu sang Bombo Radyo Koronadal.
Suno sa iya, kada Sabado ginpanghatag ang mga assistance sa mga kwalipikado nga mga benepisyaryo sa nasambit nga ayuda.
Apang sa karun may yara sila nga ginapaimplementar nga scheduling sang tagsa ka munisipalidad agud nga malikayan man ang pagka stampede ukon pagdinaguso sang tagsa ka mga katawhan sa isa lamang ka area.
Madumduman nga sang una nga sabado nga ginpanagtag ang Educational Assistance wala gid nalikawan nga magdinaguso ang mga katawhan agud ga makakuha lamang sang nasambit nga ayudo kag sa karun amo ini ang ginapasiguro sang talatapan sang DSWD nga indi na maliwat pa ang natabo sang una nga Sabado nga pagtinagdaganay.
Kung sa diin madamo sang mga negative comments ang mga nabaton ang talatapan sang DSWD.
Dugang pa sini, sang una nga Sabado nga ginpanagtag nila ang assistance kalabanan sini nga naka avail ang halin mismo sa syudad sang Koronadal.
Paathag nya sini sa tanan nga mga nagareklamo nga kuntani maintindihan man ang ila nga sitwasyon bangud ginahimo da man suno pa ang tanan agud nga ma “cater” kag mahatagan ang tanan nga mga nag-apply apang, kulukasubong nga limited slot pa lamang kag amo ini ang gina konsiderar sa karun nga indi tanan nga mga estudyante mahatagan sang nasambit nga ayuda.
Naka schedule man suno pa sa Sabado ang paghatag sang Educational diri mismo sa syudad sang Koronadal.
