KORONADAL CITY- Nagdangat sa 17 tanan ka sakasak sa kalawasan kag isa ka igo sang bala sa li-og ang nangin tunaan sang hinali nga kamatayon sang isa ka persona nga biktima sang krimen sa bahin sang masi-ot nga bahin sang Prk. Paraiso, Brgy. Klinan 6, Polomolok , South Cotabato.
Sa interview sang Bombo Radyo Koronadal kay PLt. Col. Conrado Jovero, hepe sang Polomolok PNP , ginpahayag sini nga positibo nga gin kilala sang mga himata sang biktima ang patay nga lawas sini kay Jason Muyco, 22 anyos, residente sang Prk 13-B, Brgy. Fatima, General Santos City.
Sandig sa imbestigasyon sang mga kapulisan, isa ka mangunguma ang nakakita sa patay nga lawas sang biktima sa nasambit nga lugar takna alas 5:30 sang aga makaligad nga naghigot ini sang iya nga baka sa nasambit nga area.
Puno sang saksak kag wala na sang kabuhi ang makalolouy nga biktima.
Naguwa man sa imbestigasyon sang mga otoridad gintabunan sang duct tape ang nawong sang biktima kag gingapos man ini pinaagi sang duct tape ante nga ginsaksak ini sang ginapatihan nga ice peak sa lawas.
Sa subong, ginahaya na ang biktima sa ila sini nga puluy-an sa General Santos City.
Naga padayon naman ang mga otoridad sa pag imbestigar sa motibo sang krimen kag may ara naman sila sa subong sang ginatudlo nga person of interest sa krimen.
