KORONADAL CITY- Duha ka pantiyon ang naguba kag nahulog sa suba sa bahin sang Barangay San Jose, Koronadal City bangud sa baha tuga sang padayon nga pagbubo sang ulan.
Ini ang ginpahayag ni Kapitan Danilo Simtim, sang Brgy. San Jose Koronadal City sa interbyu sang Bombo Radyo Koronadal.
Suno sa kapitan, madugay na ini nga problema sa ila nga barangay, bangud nahibaluan nga ila nga patyo sa ila nga lugar ang lapit lamang sa suba, mas iya ini nga ginkabalaka.
Bangud sa asud asud nga pag ulan sa ila nga lugar, nagresulta na sa pagkahulog sang duha ka pantiyon kag may duha pa nga manughulog na apang sa karon, ginkadtuan na ini sang pipila ka mga pumuluyo agud nga salbaron ini.
Ginpahayag pa sang kapitan, nga indi lamang ini amo ang problema, bangud ang ila nga lugar ang prone man sang pagbaha, may pipila man ka sitio ang apektado sang baha bangud man sang pag ulan ulan nga naeksperyensyahan.
Sa karon napadangop na sang kapitan ini sa CDRRMO kag maga aksyon naman ang talatapan agud nga masolbar ang ini nga problema nga tuga naman sang kalamidad.
