KORONADAL CITY – Naglab ot sa pito ka mga barangay sa banwa sang Tampakan, South Cotabato ang apektado sang pagbaha kag landslide dala naman sang wala untat nga pagbuhos sang ulan sa ila naman nga lugar.
Ini ang ginpahayag ni Mayor Leonard Escobillo sa interbyu sang Bombo Radyo Koronadal.
Suno sa alkalde ang mga apektado nga mga barangay amo ang mga Albagan, Buto, Danlag, Kipalbig, Lambayong, Liberty Lampitak, Maltana, Poblacion, Pula Bato, San Isidro kag Tablu.
Ginpahayag pa sang alkalde nga yara sa halos 100 pamilya pa ang yara sa evacuation center samtang padayon naman ang ginahimo nga clearing operation sa mga dalan nga apektado naman sang landslide.
Kung madumduman, ginkumpirma sang alkade nga may isa na ka persona ang napatay makaligad nga nalunod samtang duha naman ka barangay ang na isolate dala naman sa pagkaguba sang tulay bangud sa tuman kabaskog nga current sang tubig baha.
Ginkilala ang napatay kay Jose Dodong Ibañes, 35 anyos kag sang Barangay Lampitak, Tampakan, South CotabatO.
Sandig sa kumpirmasyon nga nagabulig lang kun tani si Ibañes sa paghakwat sang mga gamit sang ila nga kapitbahay sang gilayon lamang nga naghumok ang lupa sa iya naman nga ginatindugan rason kung ngaa ini nahulg kag gin anod sang tubig-baha.
Gintistingan pa kung tani nga buligan ini sang mga residente apang wala gid nahingagaw.
Gindugang pa sang alkalde nga may yara man sang mga gin pang anod nga mga sapat kag madamo sang nagkalaguba nga mga pananom.
Sa karon nagapadayon ang assessment kag validation sa kabug usan naman nga danyos nga dala naman sang kalamidad.
