KORONADAL CITY – Ginbawian sang kabuhi ang isa ka online seller matapos mainvolbar sa aksidente sa dalanon sa Barangay Panay, Sto. Niño, South Cotabato.
Ginkilala ang biktima nga si Kristine Joy Lalantacon, 29 anyos, kag residente sang Brgy. Salabaca, Esperanza, Sultan Kudarat apang temporaryo nga naga-istar sa banwa sang Banga, South Cotabato.
Suno kay PLT.Hercuna Tardaduela, deputy chief of police sang Sto. Nino PNP, naguwa sa ila imbestigasyon nga natam-an sa pagbungguanay sang duha ka motorsiklo si Lalantacon nga nangin tunaan sang kamatayon sini.
Suno kay Tardaduela, gikan sa banwa sang Banga kag magadul-ong lamang kuntani sang ginabaligya sini ang biktima sa banwa sang Sto. Nino sang pag-abot sa lugar sa diin nagluntad ang aksidente, naaksidente ini.
Yara na ang biktima sa higad sang dalan kag hinali nga nagtabok apang nasugata ang madasig nga motorsiklo nga ginamaneho ni Marvin Labordo kag nabungguan ini.
Sa kabaskog sang impact sang pagbunggo, nagtabog ang biktima.
Lunsay nakaangkon sang pilas ang mga ini apang mas malala ang nadangtan ni Lalantacon nga tigayon nga ginbawian sang kabuhi.
Nahibaluan nga nagikan pa sa Zamboanga si Laborodo, nag-agi sa Isulan kag padulong kuntani sa banwa sang Tboli.
Sa subong nagapaayo pa sa hospital si Labordo samtang natalana naman nga dal-on sa Sultan Kudarat ang napatay nga si Lalantocon.
disposisyon.
