KORONADAL CITY – Ginpasidunggan sang gobyerno lokal sang Koronadal ang tatlo ka mga Koronadaleño nga kadete nga nakatapos sa Bagsik-Diwa Class of 2022 sa Philippine Military Academy (PMA) sang tinalikdan nga Mayo 23,2022 sa The Farm @ Carpenter Hill.
Ini bilang pagsaludar sa ila nga pagtinguha kag determinasyon.
“You give prestige honor to this city, we see your eyes burning full of courage and determination. Congratulations and goodluck for your future endeavors”, ang nangin pahayag ni City Mayor Atty. Eliordo Ogena sa nasambit nga okasyon.
Samatng, hugot nga nagpasalamat naman ang mga ini sa nabaton nga pagkilala gikan sa LGU-Koronadal.
Ginkalipay man sang mga ini ang ginhatag nga P100,000.00 monetary award sandig sa Resolution No. 46, Series of 2022.
