KORONADAL CITY – Nagapadayon sa karon ang imbestigasyon sang mga otoridad sa pagpamusil-patay sa isa ka vlogger kag facebook commentator pasado alas-kwatro kaagahon sang Biyernes Santo sa mismo nga puluy-an sini sa Maguindanao.
Ginkilala ang biktima nga si Jhannah Villegas, yara sa legal nga edad kag residente sang Datu Anggal Midtimbang, Maguindanao.
Suno sa Datu Anggal Midtimbang PNP, ginkumpirmar sang bana sang biktima nga si Villegas ang napatay apang nagapangita pa sa karon sang mabakod nga ebedensiya nga makatudlo sa may kahimuan sang krimen.
Nahibaluan nga nagapadayon man ang Ramadan kag ginakondenar sang pamilya sini kag mga abyan ang indi makatarungan nga ginhimo sa biktima.
Madumduman nga si Villegas ang kilala bilang commentator sa facebook kun diin pila ka mga pulitiko kag mga kilala nga personalidad naman sa probinsya sang Maguindanao ang nangin topiko sini.
