KORONADAL CITY- Nagapreparar na sa subong ang mga Pinoy sa Russia sa posible nga worst-case-scenario sa naga padayon nga Russia-Ukraine war.
Ini ang nangin kabahin sang impormasyon nga ginpakigbahin ni Bombo Internatonal News Correspondent Genevive Dignadice nga tumandok sang syudad sang Koronadal nga walo na ka tuig nga naga trabaho sa Moscow, Russia.
Suno kay Dignadice , indi suno pa mabatyagan ang giyera sa Moscow bangud ang Russian Forces ang naga atake sa Ukraine kag naga patuman man sang seguridad para sa bilog nga Russia.
Ini bangud madamo sang mga Ukrainian man nga nagbakwit sa Russia antes pa man nag-umpisa sang giyera.
Sa pagkamatoud, may mga buluthuan naman nga gin pasara bangud sa bomb threat makaligad nga may mga nagkaladakpan nga Ukrainian nationals nga naga plano nga magpangbomba kag nakuhaan sang mga IED’s kag flag sang Ukraine.
Apang , nagapadayon sa gihapon ang pagpakig-angot sang Philippine Embassy sa mga Pinoy sa Russia.
Naga pangayo naman sang pangamuyo ang mga ini nga indi na magdugay pa ang kinagamo sa nasambit nga pungsod.
