GUINDULUNGAN, MAGUINDANAO – Natumod na sang mga otoridad ang mga suspek sa likod sang pagpang-ambush sa bahin sang Barangay Kalumamis, Guindulungan, Maguindanao pasado alas-7:00 sang aga nga nagresulta sa pagkapatay sang 9 ka mga persona kag ginkapilas sang 3 ka iban pa.
Ini ang nangin kumpirmasyon ni PCapt.Fayeed Cana, Maguindanao PNP Spokesperson sa interview bombo Radyo Koronadal.
Suno sa iya, padulong kuntani ang sa bahin sa Barangay Kitapok, Datu Saudi Ampatuan, Maguindanao ang grupo ni Kumander Pags Mamasainged alias Black Magic sakay sang 3 ka SUVs para sa isa ka rido settlement apang pag abot sa nasambit nga lugar, hinali na lamang ginpaulanan sang pila ka mga kalalakihan ang ila grupo usar ang mga powerful weapon sa diin nangin tunaan sang kamatayon sang mga biktima kag napilasan kag nakapagyo naman ang 3 ka iban pa.
Ginkilala ang mga napatay nga sanday:
1. Kumander Peges “aka Black Magic ” Mamasainged
2. Sadam Mamasainged
3.Sadre Mamasainged
4. Johari Mamasainged
5. Kamaro Mamasainged
6. Tani kag tatlo (3) ka iban pa nga wala pa makilal-an tubtob sa subong.
Gindugang pa sini, ginapangita na subong sang ila nga grupo ang pila ka mga katapo sang Moro Islamic Liberation Front(MILF) nga responsable sa pagpang-ambush.
Sa subong , indi pa maathag ang motibo sang mga suspek sa pagpang-ambush sa mga biktima
